Се одржа втората работилница за подготовка на новиот Регионален план за управување со отпад за Пелагонискиот и Југозападниот регион

Во Охрид и Крушево, на 12 и 13 мај 2026 година, се одржа втората работилница за подготовка на новиот Регионален план за управување со отпад (РПУО) за Пелагонискиот и Југозападниот регион, на која учествуваа претставници од сите 18 општини од двата региона.

Работилницата претставува продолжение на процесот за подготовка на новиот РПУО 2027–2032 и беше посветена на дефинирање на конкретните активности што треба да ја водат следната фаза од реформите во управувањето со отпад, базирани на веќе утврдените визија и приоритети на планот.

Во текот на работата, учесниците работеа на развој на практични и остварливи активности во рамки на РПУО, а паралелно се отворија и дискусии за тоа како регионалните цели ќе се преточат во конкретни локални активности преку новите локални акциски планови.

Процесот се реализира во рамки на проектот „Одржливо управување со отпад на локално ниво“, финансиран од Шведска и имплементиран од SALAR International, и има за цел да обезбеди координиран, инклузивен и практичен пристап во воспоставувањето на функционален и одржлив регионален систем за управување со отпад.